This is the wey the ladies ride

A game tae play yersel or wi a grown-up:

Ye can dae this yersel. Jist pretend tae ride the horse roon the room like the different fowk in the rhyme and fa doon whan ye get tae the end. It's better if ye can get a grown-up tae say it. If they cross their legs, ye can sit on their fit, like ye wid on a horse, an haud their haunds. They'll mak the horse gang for ye.

This is the wey the ladies ride, jumpin sma, jumpin sma,
This is the wey the ladies ride, feart they'll fa, feart they'll fa,

This is the wey the lairdies ride trottin braw, trottin braw,
This is the wey the lairdies ride trottin braw, trotting braw,

This is the wey the fairmer rides, gallop awa, gallop awa,
This is the wey the fairmer rides, gallop awa, gallop awa,

This is the wey the drunk man rides shoogltie, shoogltie
Doon in the ditch!