Ma Teddy's Bumped His Heid

Ma teddy's bumped his heid.
Ma teddy's heid is sair
A'll pit a clootie roond it
And shaw him that A care.

Ma teddy's heid is better.
I'll row the clootie up
And we'll drink pretend het chocolate
Frae teddy's favourite cup.

A think ma mammy wants me!
A'll pit teddy on his chair,
And whan A gang tae bed the nicht
A ken I'll find him there.

Aa nicht ma teddy hugs me
Until the brak o day,
An whan A come hame frae nursery scuil
A ken he'll want tae play.