Kelpie

The kelpie or water horse is unco frichtsome craitur. They bide in fresh watter lochs and burns and look like bonnie strong horses and come in mony colours. They try tae get fowk on their backs and then they gallop awa intae the watter and droon them. We'd a byorner difficult job tae persuade wir reporter tae interview ane. She was richt feart. Wi wae and dule we maun confess that she hasna returned frae this wanchancie assignment. Sae we still dinnae ken aw the facts aboot kelpies.