Oor Special Correspondent Meets: D. Trow.

UHI Orkney Correspondent: Good morneen. Ah'm here fae Scottish Language Dictionaries tae see if Ah kin findd oot a peedie bit aboot Trows. Cud ye tell me a wee bit aboot yersel?

Trow: Weel Ah bide in a howie called Dinglieshowe. The bit a shore atween high and low water is whar we hiv most fun. Wur come oot a luk at midsummer and midwinter.

UHI Orkney Correspondent: Whut wid ye say is the average height o a trow?

Trow: Trows donn't mishaar thimsales: they're no o human substance ye understand.

UHI Orkney Correspondent: Ah hear ye can be ill-trickit at times - like stealan berns and leaving changelings or takkan fock awaye for a year and a day. Is that true?

Trow: Ay, bit only if they deserve it when fock forget to leave milk or meal tae is. If we can manage hid we tise a fiddler into the howie and keep him there for a year and a day and he chest thinks hids wan night.

UHI Orkney Correspondent: Dae ye ever dae only good deeds?

Trow: We sometimes come as selkies and if a body is been kind to us or wur pups we mind on it and if they ever need help, we steer them back to the shore.

UHI Orkney Correspondent: A ken by yer name ye maun be related tae the Norwegian trolls. Dae ye turn tae stane if ye gang oot in the sun the wey some kinds o Norwegian trolls dae?

Trow: Wir gittan moar and moar Scottish in wir habits. We dinna turn to stone but wur often aboot the big stones. When the Yetnasteen in Rousay goes doen to the loch for a drink at the New Year, we watch that nobody steals his pot o gold.

UHI Orkney Correspondent: Dae ye ever gang yer holidays ower tae Norway?

Trow: Nivar - it's ferr too expensive and they've no fun in the pubs ower there. We nivar need to go to Norway. We hiv so many different kinds o wur fock around. We go to Hilda-land or Hether-Blether. They're islands humans can sometimes glimpse in the mist, then they disappear. Wur home under the sea is Finfolkaheem. We can all go to see wur friends from every ither place there when we want.

UHI Orkney Correspondent: Fave food and drink?

Trow: Dewdrops (chust a wee chock), and mince and clapshot; and homebrew at weddeens of coorse. Ah'm awful fond o sweet milk and bere bannocks.

UHI Orkney Correspondent: Fave colour?

Trow: Innything translucent and every shade o green.

UHI Orkney Correspondent: Fave music?

Trow: Selkie songs, The Deil amang the Tailors - Ah've alraidy said that wir gey Scottish at heart. And PMD - Peter Maxwell Davies - yill kane him- yeused to live in Hoy but geed tae the North Isles. He composes really weird music bit we think hid's grett.

UHI Orkney Correspondent: Dae ye hae ony special talents?

Trow: I can dance like anything and turn mesel into a selkie. I can be kind and helpful aboot the place or I can be a hindrance if they cross me.