Adjective

Adjectives describe nouns. A guid wey tae decide if ye hae an adjective is tae play 'The minister's cat' wi it:

The minister's cat is a bonnie cat.	Bonnie is an adjective
The minister's cat is a braw cat.	Braw is an adjective.
The minster's cat is a frae cat.	Frae isnae an adjective.

Thon test works up tae a pynt but ye can say:

The minister's cat is a hoose cat (gin it's nae an ootdoor cat).
The minister's cat is mither cat (gin its had kittlins).
An we ken fine that 'hoose' an 'mither' are baith nouns. Sae we need anither test as weel. Ye can yaise the 'verra' test as weel.

The minister's cat is a verra bonnie cat.	Noo we're shair that bonnie is an adjective.
The minister's cat is a verra braw cat.	Noo we're shair that braw is an adjective.
The minister's cat is a verra hoose cat.	That's nae richt.
The minister's cat is a verra mither cat .	That's nae richt.

Noo you can decide if thir wirds are adjectives:

Muin, black, sleekit, daft, can, kind.

Click here tae check ye're richt.