Notes for Parents and Teachers

Additional Material - Games

Simon Says?

Why no try a Scots version of 'Simon Says?'?
Whan ye say 'Simon says 'pit yer hauns on yer heid' etc. the bairns dae it. Whan ye jist say 'Pit yer hauns on yer heid' the bairns maunnae dae it.

Here are some suggestions for Simon tae say:
Pit yer hauns on yer heid
Touch yer taes
Haud yer lugs
Touch yer neb
Hunker doon
Pit yer hauns on yer hips
Touch yer chin
Pit yer hauns in yer oxters
Touch the grun
Blink yer een
Birl roon
Clap yer hauns
Loup up an doon
Rin on the spot
Mairch like a sodger
Rax for the muin

If ye dae the the gestures, the bairns will learn these Scots words nae bother.

Roon an Roon the Gairden

Roon an roon the gairden rins the teddy bear
Yin step, twa steps an A'll kittle unner there.

Here's the Kirk

Here's the kirk
(Pit yer knuckles thegither and interlock yer fingers downwards and thumbs crossed in front.)
An here's the steeple
(Unfauld baith index fingers an mak them come tae a point.)
Open the door
(Uncross thumbs.)
An see the people
(Twist wrists tae show fingers pointin up.)
Here's the meenister goin upstairs
(Separate yer hauns. Mak a nieve wi yer left haun. Wi the first and second fingers o yer richt haun walk up the knuckles o the left nieve.)
Here's the minister sayin his prayers
(Wrap ae haun roond the ither wi a thumb stickin oot the tap. Wiggle thumb)

For mair see Teachers' Notes 5-14