|
|
|
AUGUST PARTAN
Partan wis borraed intil Scots fae Gaelic and wis first recordit in Scots texts in the 15th century. In the Foulis Account Buik o 1700, we find that a braw denner o 'lapster and partans and brandie' cost jist £2. 18. 6. It wisnae the partans that pit the price up, fir in W. Alexander's novel, Johnny Gibb, we read o 'bawbee partans' &mdash and a bawbee (hauf an auld penny) wis as muckle as a 'partan-fisted' or miserly person wad hae peyed. Gin ye're 'partan-taed', yer feet turn in the wey and gin ye're 'partan-faced' ye're no a bonnie sicht. Onything 'fou as a partan' is stappit tae the brim.
Makkin a come-back wi gairdners is the wee hyow wi twistit claws cried
the 'partan-hoe' or 'partan-hyow'.
|