December

Petition

Petitions haes been aroon a gey lang while in Scotland. Ane o the meanins gien in the Dictionary o the Aulder Scottish Tongue is: A formal request to a person or persons in authority to take action to grant a privilege, redress a wrong, etc.

Gavin Douglas yaises the wird in 1513 in his translation o the Aeneid: Quhen that Eneas ... Thar peticioun sa ressonabill vndirstud ... Thar hail desyre full glaidly grantit he;

On St Andrew's day this year, a petition wis presentit tae the Pairlament at Holyrood signed by a leet o 1500 fowk. It said,

"Recognising that critical self-awareness of Scottish history, literature and languages is vital to a confident, successful and outward-looking Scotland, we submit that the present arrangements for the study of these disciplines at primary, secondary and tertiary levels are inadequate, and request that they be reviewed and effective frameworks established to ensure that all citizens of Scotland have the opportunity to understand these key aspects of their own society and culture."

We howp this petition will be sae reasonable unnerstuid and that wir hail desire will be full glaidly grantit. If it is, ye can luik forrit tae lots mair Scots at scuil.

Auld Wirds