FEBRUAR

DREICH

DREICH means dreary, dull or bleak. Maist fowk yaise it tae refer tae the weather: 'It's gey dreich the day!' Ye'll get plentie o opportunity tae yaise DREICH aboot the weather in Februar.

It can also mean lang, borin and uninterestin. In the auld days, whan services in the kirk gaed on for oors and oors, ye micht hae fund the sermons a bittie dreich.

Whiles it is yaised tae describe a slaw bodie, especially ane that's slaw tae pey their debts.

It's ane o the wirds that Scots fowk yaise even when they're speakin English. It has that particular Scottish soond at the end, like the soond ye get in loch.