|
|
|
JULY FORFOCHTIN
Forfochtin or forfochen means fair tired oot, originally wi fechtin but noo its yaised tae mean puggelt wi ony kind o effort. The for- at the beginning is an intensifying prefix sae if ye're forfochtin ye're no jist tired, ye're awfae tired. Ither wirds wi this prefix are
Forflutten meanin weel and truly telt aff, gien a richt flytin. There are mair for- wirds meanin tired like Forfauchelt, Forjeskit and Forjidget. Forgane means tired oot wi traivellin, the wey ye can feel efter yer simmer holidays. Scots fowk maun be fair ower-warked - we hae that mony wirds for weary, wabbit and dirt done. Ye'd be caed done and fair forfochtin jist tryin tae mind them aw. 
|