|
|
|
October Map
Tae MAP means tae nibble wi twitchin lips the wey a rabbit wid. Thon's hoo a rabbit is whyles cried a mappie. Like ye wad say 'puss-puss' tae a cat, ye wad say 'map-map' tae a rabbit (but it'll probably no pey ony attention). Flooers like the snapdragon that look a bittie like a rabbit's mou are cried mappie mous. A mappie's kiss is a game whaur a lad and a lass chaw on aythir end o a piece o strae until they meet in the middle and kiss. Ye'll mind on the twa dugs that did thon wi a piece o spaghetti in Disney's film o The Lady and the Tramp. Mingin! |