|
SEPTEMBER
HAIRST
 |
Scotland growes some o the best food in the hail world. Raspberries and ither saft fruit are ready at the stert o the simmer. Blairgowrie, in Perthshire even has its ain sang, 'The Berry Fields o Blair'. |
|
Later in the simmer, in August and September, the cereal craps are ready, barley and aits and wheat. In Scotland, corn refers tae aits, no tae sweet-corn.
|
|
Then there the ruit craps. The North-East o Scotland growes tatties for seed potatoes. The weather is jist richt there, ower cauld for tattie diseases. The bairns get their tattie holidays in October. Aince they wid hae helped tae lift the tatties and nae dout some still dae. Swedes, that the Scots cry neeps, are yaised tae feed the baists ower the winter.
This wird gangs back tae Auld English and comes frae the same wird as the English harvest but, like mony ither Scots wirds, it has lost a v. Ither words that have lost a v in Scots are siller, hae, gie. Can ye think o ony mair? In some airts, haist is used. This comes frae Auld Norse.
|
