|
|
|
September Breid
Breid disnae ayewis hae the same meanin in Scots as BREAD haes in English. In Scots it can be an aitcake or a breid roll as weel. Breid and cheese can mean jist that, or it micht be new springtime shuits, especially on hawthorn, or the inside o a thistle heid. 
If ye are oot o breid, ye micht be oot o wark, or at least short o siller. Gin ye're in bad breid, ye're in a dilemma or techt corner.. Pan breid is rhymin slang for 'deid'. (Pan loaf means 'posh'.) Breid-berry is anither name for breid and milk steepies, or saps, made by poorin hert milk ower wee bitties o breid. This haes naethin adae wi berries. That bit o the compoond comes fae an auld wird meanin a kind o parritch.There is nae wey ye wad aet the breid o idleseat gin ye dae ye're share o the wark. |