For Teachers an Parents

For mony bairns, Scots is the language o the hame. Maist fowk in Scotland speak a mixter-maxter o Scots an Scottish English, whiles yaisin mair o yin an whiles mair o the ither. Scots is yaised maistlie at hame wi the faimilie. Sae, for a hail wheen o weans, it is their mither tongue.

Scots isnae slang.
Scots isnae bad English.
It is a braw language in its ain richt.

The spellin an the grammar yaised on this wabsteid may no be the same as yer ain.

Remember Scots is a leevin leid an isnae set in taiblets o stane.

Information an resources

This section gies some backgroond information on Scots an a leet o yissfae resources tae help ye.
mair»

Cross-curricular links

We believe that ony subject can be taucht in Scots but, tae stert wi, we hae concentratit on the yins whaur Scots can maist enrich yer teachin. The likes o creepy-crawlies an flooers are aften kent tae bairns by Scots names. We hae providit guid information for ye tae draw on an tae adapt as ye see fit.
mair»

Stertin Oot

Bairns as young as twa can click on a moose. The Stertin Oot section haes pages that the bairns can yaise wi minimum supervision, if ye jist get thaim stertit, bit ither pages wull need mair inpit frae an adult. Therr are stories, sangs an rhymes that can be doonloadit an aw.
mair»