Katie Beardie again

Katie Beardie again

Therr are twa versions o Katie Beardie on the wabsteid. Can ye spot similarities an differences atween thaim?

Katie Beardie is sung by young fowk at the Craigmillar Ceilidh Club. They gie it laldie. The Craigmillar Ceilidh Club is yin o the opportunities set up as pairt o the Edinburgh Youth Gaitherin.

The Edinburgh Youth Gaitherin is a project that promotes traditional music amang young fowk in Edinburrae. As pairt o this wark it formed a group in Craigmillar wi warkshops in fiddle, guitar an keyboards.  The group haes explored traditional sangs an sang-scrievin inaw.  The sang-scrievin stertit aff wi bairns makkin their ain lyrics tae traditional tunes, and this recordin o Katie Beardie is yin o thaim.  Thanks to David Francis for sendin us this braw contribution.

We hae anither version on the Stertin Oot section (sangs) o the wabsteid. Can ye mak yer ain wirds up for anither verse?

Click on this link for mair information aboot the Edinburgh Youth Gaitherin.