Sangs, Stories an Rhymes

Ye can collect aw kins o rhymes an sangs fae aw ower Scotland.

Ye can fin monie traditional sangs in Scottish Songs and Music by Katherine Campbell an Ewan McVicar, illustratit by Finola Jack; Leckie and Leckie, 2001. Monie o thae sangs are on the Learning and Teaching Scotland website - enjoy explorin thaim.
www.ltscotland.org.uk/scotlandssongs

J.K. Annand scrievit a feck o verses for bairns, frae wee yins up. Here's yin juist tae gie ye a gust. Ye micht lik tae pit a tune tae it.

Mince and Tatties

I dinna like hail tatties
Pit on my plate o mince
For whan I tak my denner
I eat them baith at yince.
Sae mash an mix the tatties
Wi mince into the mashin,
An sic a tasty denner
Will aye be voted 'smashin!'


Gin ye'd like tae see mair, his poems are collectit in Bairn Rhymes, Mercat Press, Edinburgh (1989).