Gemms

Sandy Says

Hae fun wi a Scots version o Simon says.

Why no try a Scots version o 'Simon Says'?
Whan ye say 'Sandy says pit yer hauns on yer heid', the bairns dae it. Whan ye juist say 'Pit yer hauns on yer heid' the bairns dinna dae it.

Here are a feck o suggestions for Sandy tae say:

Pit yer hauns on yer heid
Touch yer taes
Haud yer lugs
Touch yer neb
Hunker doon
Pit yer hauns on yer hips
Touch yer chin
Pit yer hauns in yer oxters
Touch the grun
Blink yer een
Birl roon
Clap yer hauns
Loup up an doon
Rin on the spot
Mairch like a sodger
Rax up for the muin

If ye dae the gestures, the bairns wull lairn the Scots wirds nae bother.