Expressive airts

Fause, fause hae ye been

Music an drama aften celebrate the soond an associations o Scots wirds tae - listen for Scots wirds in sangs an enjoy lairnin aboot Scots penters an sculptors. Art wark an sculptures aften incorporate Scots wirds.

The Langholm staircases

Hae a leuk at the photo o the Langholm staircases at the tap o the page.
In 2007 Liz Niven warkit on an Airts Across the Curriculum Project wi pupils fae Langholm Academy. The aim wis tae compile text based on the leid o Langholm yaisin the poetry o Langholm’s Hugh MacDiarmid. Pupils did some scrievin o their ain an wirds by Hugh MacDiarmid war pentit on the bannisters in the scuil. The project gied the pupils time tae develop their understaunin o the Scots leid an its history. A final report includit examples o pupils wark.

Ye cud mak yer ain frieze o yer favourite lines poetry. Ye can wark wi teachers tae decorate a wa ootside or inside yer scuil wi sentences in Scots. The Scottish Parliament biggin haes a wheen quotations in Scots aw ower the biggin.